Հատված
Հանրահայտ է, որ ցանկացած կազմակերպության գործունեության հաջողության հիմնական գրավականը հանդիսանում է մրցակցային առավելությունների ձեռքբերումը, կուտակումը, պահպանումը և արդյունավետ կիրառումը: Մրցակցությունը գտնվում է շուկայական գործունեության «ծանրության» կենտրոնում: Եթե ժամանակակից աշխարհը չենք կարող պատկերացնել առանց շուկաների, ապա շուկաներն էլ իրենց հերթին` առանց մրցակցության, քանի որ գործում է հետևյալ սկզբունքը. «չկա մրցակցություն, չկա նաև շուկա և վերջինիս ղեկավարման գլխավոր միջոցը»: Հատկանշական է, որ մրցակցային միջավայրի վերլուծությունը բավականին բարդ և բազմակողմ գործընթաց է, որն առնչվում է ինչպես այդ միջավայրը ձևավորող սուբյեկտների սահմանմանն ու վերլուծությանը, այնպես էլ ճյուղի և շուկայի ազդակների կամ վերջինների կոնյուկտուրան ձևավորող գործոնների վերլուծությանն ու հենց կազմակերպության մրցակցային առավելությունների վերլուծությանը: Եվ բնական է, որ մրցակցային միջավայրի վերլուծության գործընթացն ուղեկցվում է բազմաթիվ բարդություններով, որոնց շարքում առավել հատկանշականներ են մրցակիցների և հետազոտության օբյեկտների սահմանումը, տեղեկատվական հոսքերի կազմակերպումը, մրցակցության ուժգնությունն ու դրա բնույթը պայմանավորող ուժերի վերլուծությունը, ինչպես նաև բուն մրցակցային վերլուծության սկզբունքների և գործիքների ընտրությունը:
Մրցակցային միջավայրում հարմարվելու և առաջ գնալու համար կարևոր նշանակություն ունի մարքեթինգային ճիշտ գործիքների և ճիշտ քաղաքականության իրականացումը: Վերջինս ապահովվում է մարքեթինգային համալիրի տարրերի շնորհիվ, ինչը նշանակում է, որ մարքեթինգային համալիրը կարևոր նշանակություն ունի ցանկացած ոլորտի կազմակերպության գործունեության համար: Ուստի բանկային մարքեթինգային միջավայրի ուսումնասիրությունն արդիական է և անհրաժեշտ:
Գրականության ցանկ
1. ՀՀ Կենտրոնական բանկ, Ֆինանսական կայունության հաշվետվություն 2016թ.:
2. ՀՀ Բանկային համակարգի հիմնական նկարագրությունը 2016թ., KPMG 2016:
3. ՀՀ Սյունիքի մարզի 2014-17թթ. սոցիալ-տնտեսական զարգացման ծրագրի մոնիթորինգի 2016թ. առաջին եռմասյակի արյդունքներ:
4. Ն.Հայրապետյան, Բանկային մարքեթինգ, Երևան 2003:
5. Ս. Լ. Ղանթարջյան, Մարքեթինգի կառավարում / ուսումնական ձեռնարկ: Եր., ԵՊՀ հրատ., 2011:
6. Ք.Արշակյան մարքեթինգ և կառավարում, Երևան 2014:
7. Гамза В.А. «О проблемах монетизации финансово-банковской системы» /Банковское дело №6/2005г.
8. Генри Ассель «Маркетинг: принципы и стратегия» Школа бизнеса Стерна, Нью-Йорский университет, М: 1999г.
…