Մինաս Ավետիսյանի արվեստում Կնոջ կերպարը

Հատված

Մինաս Ավետիսյանի խոր, ինքնատիպ արվեստը հիմա էլ, չնայած արդի՝ առավել խիստ գեղարվեստական չափանիշների, ընկալվում է որպես առեղծվածային ու երևակայությունը բորբոքող երևույթ: Պատահական չէ, որ նկարչի աշխատանքների առաջին ցուցահանդեսից, նրա ողբերգական վախճանից կես դար անց Մինասին վերաբերող արվեստագիտական գրականությունը Հայաստանում շարունակում է մնալ առաջնային: Բազմաթիվ ալբոմները, կատալոգները (որոնք հաճախ, ցավոք, տարբեր են գունային վերատպություններով), գրքերը, հոդվածները, մենագրությունների բաժինները կրկին ու կրկին պատմում են Մինաս Ավետիսյանի ստեղծագործական կյանքի մասին: Որոշ մշտական հեղինակներ (նրանց մեջ առավել նշանավորներն են Հենրիկ Իգիթյանը և  Շահեն Խաչատրյանը) Մինասին նվիրված իրենց բազմաթիվ անդրադարձներում բացահայտել են վարպետի տեխնիկայի ու ոճի նորանոր կողմերը, նրա գեղարվեստական աշխարհի հատկությունները, ստեղծագործական ընթացքը: