Հատված
Փոխարժեքի արժևորման դեպքում արտահանողները, ինչպես ցանկացած այլ տնտեսվարող սուբյեկտ, որը ստանում է արտարժութային եկամուտներ, ունենում է կորուստներ` այդ եկամուտները ազգային արժույթի փոխարկելու հետևանքով: Մյուս կողմից` շահում են այն տնտեսվարող սուբյեկտները, որոնք ներմուծվող արտադրանքի սպառողներ են: Մասնավորապես` սպառողների համար էժանանում են ներմուծված ապրանքները, և ձեռնարկությունները, որոնք աշխատում են ներմուծված հումքով կամ ներմուծում են մեքենաներ, սարքավորումներ, շահում են: Ավելացնենք նաև, որ շահավետ է դառնում տվյալ երկրում ներդրումների իրականացումը, քանի որ ավելանում է այդ ներդրման կամ դրա դիմաց ստացված շահաբաժնի արտարժութային արժեքը: Սակայն այս պարագայում նույնիսկ կարճաժամկետ հատվածի համար դժվար է որոշել, թե երկրի տնտեսության ներսում փոխարժեքի արժևորման դեպքում կորուստներն ու եկամուտներն ինչպես վերաբաշխվեցին արտահանողների և հասարակության մյուս անդամների միջև և որը գերակայեց:
Գրականության ցանկ
- «ՀՀ ԿԲ արժութային քաղաքականություն», Հայտարարություն ՀՀ ԿԲ արժութային քաղաքականության վերաբերյալ, ՀՀ կենտրոնական բանկ, https://www.cba.am/am/SitePages/mpforeignexchangepolicy.aspx
- «ՀՀ ԿԲ գնաճի հաշվետվություն» (2021-4), https://www.cba.am/am/SitePages/mp2021gt.aspx
- TheFederal Reserve System, Monetary Policy, Policy Tools; https://www.federalreserve.gov/monetarypolicy/openmarket.htm
- ՀՀ կենտրոնական բանկ, https://www.cba.am/am/sitepages/exchangearchive.aspx?DateFrom=2015-01-01&DateTo=2018-03-14&ISOCodes=USD
- ՀՀ կենտրոնական բանկ, https://www.cba.am/am/SitePages/statmonetaryfinancial.aspx
- …