Հատված
Օլիգոպոլիան ոչ կատարյալ մրցակցության շուկաների տիպերից մեկն է: Օլիգոպոլիա հասկացությունը բաղկացած է հունարեն oligos՝ ոչ շատ, մի քանի և poleo՝ վաճառում եմ բառերից: Շատ տեսաբաններ այն կարծիքին են, որ օլիգոպոլիան արդի տնտեսությունում շուկայի գերակշռող ձևն է: Այսպես, ԱՄՆ-ում շուկայական իշխանություն ունեցող ճյուղերի մեծ մասն օլիգոպոլիստական բնույթ ունի: Տնտեսագիտության տեսության մեջ օլիգոպոլիա համարվում է մրցակցային այն կառուցվածքը (ճյուղը), որի դեպքում շուկայում կան մի քանի՝ ոչ մեծ թվով համեմատաբար խոշոր արտադրողներ/վաճառողներ, որոնցից ամեն մեկը տնօրինում է շուկայական զգալի մասնաբաժնի: Օլիգոպոլիայի այս բնութագիրը համապատասխանում է շուկայում մրցակիցների թվաքանակի ու նրանց մեծության չափանիշին: Այդ հատկանիշով օլիգոպոլիան տարբերվում է մյուս բոլոր շուկայական կառուցվածքներից: Օլիգոպոլիայի շուկայական ձևերի օրինակներ են՝ մարդատար և բեռնատար ավտոմեքենաների որոշակի դասերի, կոմերցիոն ինքնաթիռների, անվադողերի, նավթի, սառնարանների, լվացքի մեքենաների, ծխախոտի, պողպատի, ալյումինի, պլաստմասսաների շուկաները և այլն:
Գրականության ցանկ
1. Գ. Կիրակոսյան, «Տնտեսագիտության տեսությունը» Երևան, 2009թ.,
2. Ա. Մարկոսյան «Ընդհանուր տնտեսագիտություն» Երևան, 2005թ.,
3. Грязнова А.Г., Юданов Л.Ю. Микроэкономика: практический подход — М.: КНОРУС, 2005
4. Т.А. Фролова, Экономическая теория: конспект лекций, Таганрог: ТТИ ЮФУ, 2009,
5. Экономика. Конспект лекций. Салов А.И., М.: Высшее образование, 2009,
6. …